"ფინკა ბანკის" ახალი ბიზნესმოდელი

ინტერვიუ "ფინკა ბანკის" კომერციულ დირექტორთან, გიორგი ნადარეიშვილთან.

ბატონო გიორგი, ახალი რეგულაციების შემდეგ როგორი სურათი გვაქვს - რა ცვლილებები განახორციელა “ფინკა ბანკმა”?

ბანკის მენეჯმენტმა თავიდანვე აქტიურად იმუშავა ეროვნულ ბანკთან. ამ ცვლილებების პარალელურად დროულად გადავაწყვეთ ჩვენი ბიზნესპროცესები ისე, რომ ახალ რეგულაციებთან სრულ თანხვედრაში ვიყოთ. ჩვენი მთავარი სეგმენტი, რომელსაც ვემსახურებით, არიან მცირე მეწარმეები და ფერმერები, სოფლის მეურნეობით დაკავებული ადამიანები, რომლებსაც თავიანთი საქმიანობისთვის ფინანსური მხარდაჭერა სჭირდებათ. აგრობიზნესსაქმიანობის დაფინანსება ბანკის პრიორიტეტია, შესაბამისად, შევეცადეთ, პროცესები ისე დაგველაგებინა, რომ მიზნობრივი სეგმენტი არ დაზარალებულიყო.

ზოგადად, შარშან და წელსაც საკრედიტო პორტფელის ზრდის მაჩვენებლები დაგეგმილთან შედარებით ნაკლებია, რაც ნამდვილად ლოგიკურია ამდენი ცვლილების ფონზე და მოსალოდნელიც იყო. ეს დიდწილად უკავშირდება ახალ რეგულაციებს, რომლებიც 2018 და 2019 წლებში შევიდა ძალაში. შიდა პროცესების ცვლილებასთან ერთად ჩვენ შევქმენით რამდენიმე ახალი პროდუქტი, რათა მოვრგებოდით მომხმარებლების საჭიროებებს. თუმცა მთავარი არ იცვლება - ბანკი აგრძელებს მიზნობრივი სეგმენტისთვის პასუხისმგებლიანი სერვისებისა და პროდუქტების მიწოდებას.

ბანკის მენეჯმენტს კარგად აქვს გათვითცნობიერებული, რომ იმ პირობებში, როდესაც კონკურენცია ძალიან დიდია, მცირე და საშუალო ზომის ბანკების მომავალი დიდად არის დამოკიდებულია იმაზე, თუ რამდენად სწრაფად და ეფექტიანად მოვემსახურებით არსებულ და ახალ კლიენტებს. “ფინკა” ნიშურ სეგმენტზე - სოფლის მოსახლეობასა და აგრობიზნესში დაკავებულ მეწარმეებზე ფოკუსირებული ბანკია. ჩვენ მათ ენაზე ვსაუბრობთ, გვესმის მათი საჭიროებები და მუდმივად ვცდილობთ, მივაწოდოთ ის პროდუქტები და სერვისები, რაც მათ კონკრეტულ პერიოდში სჭირდებათ.

რა საჭიროებების წინაშე არის საბანკო სექტორი და კონკრეტულად “ფინკა ბანკი” ამჟამად?

დღეს საფინანსო სექტორში მთავარი გამოწვევა არის მაღალი კონკურენცია. კონკურენციაში ვგულისხმობ არა მხოლოდ კლიენტების მოზიდვას, არამედ საჭირო პერსონალის დასაქმებასაც. დრო შეიცვალა და აშკარად ჩანს, რომ ახალგაზრდები საბანკო სექტორში სტაბილური სამსახურის ქონას საკუთარი ბიზნესიდეების რეალიზაციას ამჯობინებენ. ბანკებს შორის კონკურენცია იდეების კონკურენციაც არის. იმარჯვებს ის, ვინც სწრაფად აუღებს ალღოს მომხმარებლის საჭიროებებს.

20 წლის წინ საბანკო ბიზნესის წარმოება გაცილებით ადვილი იყო, ვინაიდან მცირე და საშუალო ბიზნესის დაფინანსება ახლად დაწყებული გახლდათ. დღეს მხოლოდ ფულის გაცემა საკმარისი არ არის. მომხმარებელს სჭირდება პროდუქტი, რომელიც მის საჭიროებებს ადვილად პასუხობს. დღევანდელი საბანკო კონკურენცია საინფორმაციო ტექნოლოგიების კონკურენციაცაა და ბანკების ბიზნესსტრატეგიები სულ უფრო ხვდება ამ სფეროში დასაქმებული ადამიანების გავლენის ქვეშ.

ჩვენი და ზოგადად ბევრი ბიზნესის მომავალი, რა თქმა უნდა, ციფრულია. ამ მიმართულებით გაძლიერება და ხელმისაწვდომობის გაზრდა როგორც ფინანსურ, ისე არაფინანსურ პროდუქტებსა და მომსახურებაზე ჩვენი მთავარი ამოცანაა. სწორედ ხელმისაწვდომობის გაზრდას უკავშირდება ჩვენი ახალი კონცეფცია, რომელზეც ამჟამად ვმუშაობთ. სექტემბრამდე დასრულდება ორი მსხვილი პროექტი, რომლებიც ბანკის მოქნილობას მნიშვნელოვნად გაზრდის.

რა პროექტს გულისხმობთ, როგორია “ფინკა ბანკის” განვითარების სტრატეგია?

“ფინკა ბანკი საქართველო”, როგორც FINCA Impact Finance ფინანსური ინსტიტუტების საერთაშორისო ქსელის ნაწილი, კვლავ გარდაქმნის პროცესშია. ჩვენი მიზანია გაფართოება და მეტ ლოკაციაზე ყოფნა: მომხმარებლებს ფინანსური პროდუქტებით მოხერხებულად და უპრობლემოდ სარგებლობის საშუალება უნდა ჰქონდეთ, მათ არ უნდა სჭირდებოდეთ კილომეტრების გავლა ბანკში მისასვლელად. სწორედ ამ მიზნით დავიწყებთ ჩვენი სერვისცენტრების გარდაქმნას: მსხვილ სოფლებსა და ქალაქებში ბანკს ექნება ცენტრები, სადაც ფინანსური სერვისების გვერდით, სასოფლო-სამეურნეო საქმიანობასთან დაკავშირებული სხვა სერვისების მიღებაც იქნება შესაძლებელი, რასაც უკვე აქტიურად ვახორციელებთ ჩვენს პარტნიორ, აგროსფეროს წარმომადგენელ, კომპანიებთან. სადაზღვევო კომპანია “ჯი პი აი ჰოლდინგი” ჩვენი ერთ- ერთი მსხვილი პარტნიორია მოსავლისა და მსხვილფეხა პირუტყვის დაზღვევის მიმართულებით.

ჩვენი ახალი ბიზნესმოდელის მიხედვით, აღარ იქნება აუცილებელი ფინანსურ სექტორში მუშაობის გამოცდილება იმ ადამიანებისთვის, ვისაც “ფინკა ბანკში” მუშაობის სირვილი გაუჩნდება, რადგან ახალი ტექნოლოგიები მოგვცემს საშუალებას, რომ მათ ამ გამოცდილების არქონის მიუხედავად შეძლონ ეფექტიანად მუშაობა. მომხმარებლის გამოცდილება არის ის, რასაც ჩვენ ყველაზე მეტად ვუფრთხილდებით. ჩვენ ვართ ნიშური ბანკი რეგიონებში მცხოვრები მცირე და საშუალო ფერმერებისთვის, მეწარმეებისთვის და პასუხისმგებლობით ვაგრძელებთ ფინანსური და არაფინანსური სერვისების მიწოდებას.

ბატონო გიორგი, რას მოუტანს ეს ახალი კონცეფცია როგორც კომპანიას, ისე მომხმარებელს - რას ნიშნავს “ახლოს მომხმარებელთან”?

ჩვენ ორ მნიშვნელოვან შედეგს ველოდებით: პირველი - “ფინკა ბანკი” ფიზიკურად უფრო ახლოს მივა მომხმარებელთან, რითაც სოფლად მცხოვრები მოსახლეობისთვის ბანკთან ურთიერთობა მეტად ხელმისაწვდომი იქნება.

მეორე - ბანკი არ იქნება მხოლოდ ფინანსური სერვისის მიმწოდებელი, არამედ ერთგვარი ჰაბი, სადაც აგროსფეროსთან დაკავშირებული ნებისმიერი სერვისებისა და პროდუქტების შეთავაზების პარალელურად ადგილობრივ მოსახლეობას ექნება შესაძლებლობა, დააზღვიოს მოსავალი, პირუტყვი, ქონება და ა.შ. ჩვენთვის მნიშვნელოვანია ცოდნის გავრცელება და ფერმერებისათვის თანამედროვე ტექნოლოგიების გაცნობა, შესაბამისად, ყველგან, სადაც “ფინკა ბანკი” იქნება წარმოდგენილი, ფერმერებს ექნებათ შესაძლებლობა, მეურნეობის გაფართოებისა და ბიზნესის გაძლიერებისათვის საჭირო ინფორმაცია მიიღონ გამოცდილი ექსპერტებისაგან - ყველაფერი, რაც მათ ამისთვის დასჭირდებათ, დახვდებათ “ფინკა ბანკის” ახალი კონცეფციის ცენტრებში.

კიდევ ერთი მიმართულება, რომელზეც აქტიურად ვმუშაობთ, გახლავთ ფინანსური წიგნიერების გავრცელება ჩვენს სამიზნე ჯგუფებში, რათა მათ სწორი გადაწყვეტილებები მიიღონ. ჩვენ ვამაყობთ ჩვენი მიღწევებით ამ მიმართულებით. ბანკის საერთაშორისო აღიარება გლობალური SMART Campaign-ის მიერ არის დასტური, თუ რამდენად მნიშვნელოვანია ჩვენთვის მომხმარებლის უფლებების დაცვა. წელს სერტიფიკატი მეორედ მოვიპოვეთ და დავაკმაყოფილეთ ბევრად რთული კრიტერიუმები. სწორედ ეს არის დასტური ჩვენი პასუხისმგებლიანი, მომხმარებელზე ორიენტირებული საქმიანობისა.

ციფრული სერვისები “ფინკა ბანკის- თვის” - რა როლი აქვს მათ და რა მიმართულებით გსურთ მათი განვითარება?

ბევრი ბიზნესის მომავალი ტექნოლოგიურია. ამიტომაც ჩვენ პირველ რიგში იმ თანამშრომლებში ვახორციელებთ ინვესტირებას, ვისაც გავლენის მოხდენა შეუძლია ბანკის საინფორმაციო ტექნოლოგიებზე. ამჟამად ამ მიმართულებით გვყავს ძალიან საინტერესო გუნდი, რომელსაც ბევრი სასიკეთო ცვლილების ინიცირება და დანერგვა შეუძლია.

შარშან ჩვენ საიუბილეო წელი გვქონდა - აღვნიშნეთ საქართველოში საქმიანობის 20 წელი. ჩვენი 20-წლიანი მუშაობის შედეგები მართლაც შთამბეჭდავია - ამ ხნის განმავლობაში 27 000 სამუშაო ადგილი შექმნეს ჩვენმა მომხმარებლებმა, მათი 36% ქალების მიერ არის შექმნილი. ჩვენი მომხმარებლების 62% ქალაქგარეთ ცხოვრობს. ამ პერიოდში ჩვენი მომხმარებლების 90%-მა განახორციელა საკუთარი გეგმები, რისთვისაც “ფინკა ბანკის” სესხი აიღო. ეს მართლაც შთამბეჭდავი ციფრებია ჩვენთვის.

2019-2020 წლები “ფინკა ბანკისთვის” ბიზნესპროცესების ტრანსფორმაციის პერიოდი იქნება. ჩვენი მიზანი - ხელმისაწვდომობის გაზრდაა, განსაკუთრებით - რეგიონებში, ახალი ტექნოლოგიური გადაწყვეტილებების გამოყენებით და ახალი პროდუქტების დანერგვით.

ჩვენ გირჩევთ

იდეიდან - ბიზნესამდე

მიკროსაფინანსო სექტორის მომავალი

იდეიდან - ბიზნესამდე

იდეიდან - ბიზნესამდე

წინა სტატია

1 დოლარი 2.95 ლარი, 1 ევრო 3.29 ლარი
30 ივლისი, 2019

შემდეგი სტატია

EBRD to finance the North-South Corridor Road Project
30 ივლისი, 2019
უნივერსიტეტების რეიტინგი - 2019 წლის ერთიანი ეროვნული გამოცდების შედეგებით
რეიტინგი | ოქტ, 19, 2019
King David - როდესაც სახლს შემოსავალი მოაქვს
ახალი ამბები ქართულად | ოქტ, 17, 2019
საქართველოს აუდიტორული კომპანიების რეიტინგი
რეიტინგი | ოქტ, 20, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა