The Forbes 400: გაღარიბებულები, გაცხრილულები თუ გარდაცვლილები

გასულ წელს Forbes 400-ის რეიტინგს ჩვიდმეტი მილიარდერი გამოაკლდა. მათგან სამი განთქმულის ქონებაში საბოლოო ლურსმანი ქორწინებამ, სენდვიჩების შავმა დღემ და ქველმოქმედებამ ჩააჭედა. სხვა მრავალმა უბრალოდ ვეღარ შეძლო ფეხის აწყობა და იმ $2.1 მილიარდს ქვემოთ დარჩა, რომელიც წლევანდელ რეიტინგში მოსახვედრად საჭირო მინიმუმს წარმოადგენდა.

SUB-სტანდარტი

პიტერ ბაკის მიერ თანადაფუძნებულ სენდვიჩების ქსელ Subway-ს რთული დღეები უდგას. გაყიდვები უკვე რამდენიმე წელია, ეცემა, 2017-ში კი კომპანიამ ლამის 900 პუნქტი დაკეტა აშშ-ში. მაისში, პირველად არსებობის მანძილზე, მან თავის დამფუძნებელთა ოჯახებთან დაუკავშირებელი აღმასრულებელი დირექტორი დანიშნა. Subway-ის გასაჭირმა, გარკვეულ საქველმოქმედო აქტივობებთან ერთად, ბაკის ქონება ბოლო 12 თვეში 35%-ით შეამცირა. 

განქორწინების ფასი 

Pimco-ს ყოფილი ინვესტორი ბარონის, ბილ გროსის ქორწინება აქტივებთან დაკავშირებულ საძაგელ კონფლიქტად იქცა მას მერე, რაც მისმა ცოლმა, სიუმ, 2016 წელს ოფიციალურად მოითხოვა განქორწინება ცოლ-ქმარს შორის არსებული შეურიგებელი სხვაობების ნიადაგზე. საბოლოო ჯამში, ის ქმრისგან $1 მილიარდით წავიდა და თან წაიღო $36-მილიონიანი სახლი ლაგუნა-ბიჩში (კალიფორნია), წყვილის $56-მილიონიანი არტკოლექციის ნახევარი და მათი სამიდან ორი კატა. მოკლედ, განქორწინება გროსს ძვირი დაუჯდა.  

რასაცა გასცემ... 

როგორც ირკვევა, რეიდ ჰოფმანი, LinkedIn-ის თანადამფუძნებელი (რომელიც Microsoft-ს 2006-ში მიჰყიდა), ისეთივე სიხშირით გასცემს საქველმოქმედო მიზნებისთვის თანხებს, როგორითაც მისი ყოფილი ბიზნესი გზავნის ი-მეილებს. Forbes-მა გაარკვია, რომ ჰოფმანს ბოლო წლებში $1.5 მილიარდი გაუღია და სულ რაღაც $1.8 მილიარდის ამარა დარჩენილა. წელს მან Giving Pledge-საც მოაწერა ხელი და საჯაროდ დადო პირობა, მთელი ჩემი სიმდიდრის ნახევარზე მეტს გამოვემშვიდობებიო. მიზანს მართლაც უახლოვდება. 

ჩვენ გირჩევთ

მსოფლიოს ყველაზე მაღალშემოსავლიანი კომპანიები

შეუძლებელი ცხოვრება

მსოფლიოს ყველაზე მაღალშემოსავლიანი კომპანიები

მსოფლიოს ყველაზე მაღალშემოსავლიანი კომპანიები

წინა სტატია

სასტუმრო “სტამბა” AHEAD Awards Europe-ზე წლის საუკეთესო კონცეფციისთვის დაჯილდოვდა
23 ნოემბერი, 2018

შემდეგი სტატია

OECD Names Georgia as a Model Country for Supporting Small and Medium Enterprises
21 ნოემბერი, 2018
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker