საჯარო VS კერძო სკოლები - მოსწავლეების შედეგები ეროვნულ გამოცდებზე

ეროვნულ გამოცდებზე მიღებული ქულებით, თბილისელ აბიტურიენტებს დიდი უპირატესობა აქვთ ყველა საგანში სხვა ქალაქებში და სოფლად მცხოვრებ აბიტურიენტებთან შედარებით.

კერძო სკოლების კურსდამთავრებულთა მიერ მიღებული ქულებიც ყველა საგანში აღემატება საჯარო სკოლების მოსწავლეების მიერ მიღებულ ქულებს. შეფასებისა და გამოცდების ეროვნული ცენტრის კვლევის მიხედვით, განსხვავებები სკოლის მდებარეობის მიხედვით უფრო დიდია, ვიდრე სკოლის ტიპის მიხედვით. ზოგიერთ საგანში, მაგალითად, მათემატიკასა და ფიზიკაში კერძო და საჯარო სკოლების კურსდამთავრებულთა შორის განსხვავება ძალიან მცირეა. ყველაზე დიდი განსხვავება თბილისში, სოფლად და ქალაქად მცხოვრებ აბიტურიენტებს შორის უცხო ენაში მიღებულ ქულებშია: თბილისელი აბიტურიენტები საშუალოდ დაახლოებით 22 ქულით მეტს იღებენ უცხო ენის ტესტში, ვიდრე სოფლის სკოლადამთავრებული აბიტურიენტები. ინგლისურის ტესტში ეს ერთ სტანდარტულ გადახრას უდრის, რაც საკმაოდ დიდი მაჩვენებელია.

თუმცა, გამოცდებში მაქსიმალური ქულები, საშუალო ქულები და სტანდარტული გადახრები მნიშვნელოვნად განსხვავდება ერთმანეთისაგან. ამიტომ საგნობრივი შედეგების შედარებისას, უმჯობესია სტანდარტიზებული კოეფიციენტები შევადაროთ ერთმანეთს. ამ მხრივ, კერძო სკოლის კურსდამთავრებულებს საჯარო სკოლის კურსდამთავრებულებთან შედარებით დიდი უპირატესობა აქვთ უცხო ენაში, გეოგრაფიაში, ზოგად უნარებში, ხელოვნებასა და ქიმიაში. ყველა პარამეტრით შედარებით მცირე განსხვავებები აბიტურიენტებს აქვთ ქართულ ენაში, ისტორიასა და სამოქალაქო განათლებაში.

ჩვენ გირჩევთ

Cement giant LafargeHolcim strengthens its positions in the Georgian market

Cement giant LafargeHolcim strengthens its positions in the Georgian market

Cement giant LafargeHolcim strengthens its positions in the Georgian market

Cement giant LafargeHolcim strengthens its positions in the Georgian market

წინა სტატია

Cement giant LafargeHolcim strengthens its positions in the Georgian market
18 თებერვალი, 2019

შემდეგი სტატია

Devlet okulları ile özel okullar - Milli sınavlar sonuçları
18 თებერვალი, 2019
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
ახალი გათვლები
მენეჯერები | აგვ, 24, 2020
Forbes Georgia in EnglishForbes WomanForbes Banker