სადაზღვევო ბროკერებს კანონით ახალი მოთხოვნები უწესდებათ

დაზღვევის შესახებ კანონში ცვლილებები შედის. კანონპროექტით, რომელსაც პარლამენტის კომიტეტმა მხარი სამი მოსმენით უკვე დაუჭირა, დგინდება სადაზღვევო ბროკერის რეგისტრაციის შემდგომი საქმიანობის სახელმწიფო კონტროლისა და ზედამხედველობის მექანიზმები. 

კერძოდ, დადგინდა სადაზღვევო ბროკერის მიერ საქმიანობის განხორციელებისას მომხმარებლისათვის სავალდებულო ინფორმაციის მიწოდების ვალდებულება, ინფორმაციის მინიმალური მოცულობა და მისი მიწოდების ფორმა. 

დამატებით, მზღვეველი (ასევე უცხო ქვეყნის სადაზღვევო ორგანიზაციის ფილიალი/წარმომადგენლობა) ვალდებული ხდება გამოაქვეყნოს ინფორმაცია აქციების 10 პროცენტის ან 10 პროცენტზე მეტის უშუალო მესაკუთრისა და მნიშვნელოვანი წილის მფლობელი ბენეფიციარი მესაკუთრის შესახებ.

კანონპროექტით,  სადაზღვევო ბროკერი ვალდებულია ფლობდეს კაპიტალის / საგარანტიო ფონდის მინიმალურ ოდენობას, რომელიც საშუამავლო საქმიანობის განხორციელების ყველა ეტაპზე უწყვეტად უნდა იყოს განთავსებული საქართველოში ლიცენზირებულ საბანკო დაწესებულებაში. ამასთანავე, აღნიშნული ფულადი სახსრები საქართველოში ლიცენზირებულ ბანკში  განთავსებული უნდა იყოს არანაკლებ 1 წლიანი პერიოდულობით. სავარაუდოდ თანხის მოცულობა 30 000 ლარის ფარგლებში იქნება. 

სადაზღვევო ბროკერი ვალდებული ხდება დაზღვევის ზედამხედველობის სამსახურს წარუდგინოს წლიური აუდიტირებული ფინანსური ანგარიშგება.

კანონით დადგენილი ნორმების დარღვევის შემთხვევაში, ბროკერებზე გავრცელდება ფულადი ჯარიმები.

ჩვენ გირჩევთ

გენის ჰაკერები

ბაფეტის ახალი რეკორდი - $3.6 მლრდ ქველმოქმედებისთვის

გენის ჰაკერები

გენის ჰაკერები

წინა სტატია

ყველაზე ძვირადღირებული ბიზნეს ცენტრები თბილისში
04 ივლისი, 2019

შემდეგი სტატია

Tiflisteki en pahalı iş merkezleri
04 ივლისი, 2019
ტამანის პორტი მზად არის 220 000 ტონიანი სატვირთო გემების მისაღებად
ახალი ამბები ქართულად | ივნ, 29, 2020
21 მილიარდერი და მათი პირველი მილიონი დოლარი
ახალი ამბები ქართულად | ივნ, 25, 2020
არა მხოლოდ ბანკი, არამედ პარტნიორი
ინტერვიუ | ივნ, 24, 2020
Forbes Georgia in EnglishForbes WomanForbes Banker