VISA Platinum - თიბისიმ ბიზნესებისთვის ახალი ბარათი გამოუშვა

კიდევ ერთი ახალი, კიდევ ერთი ინოვაციური და, რაც მთავარია, კიდევ ერთი მარტივი გზა გადახდისთვის - თიბისიმ ბიზნესისთვის ახალი ბარათი, VISA Platinum გამოუშვა.

ბარათი მფლობელებს საშუალებას აძლევს გადახდები მთელი მსოფლიოს მასშტაბით აწარმოონ და ამასთანავე, გაიმარტივონ აღრიცხვიანობა საქმიანი მივლინებებისა თუ ბიზნეს გარიგებების დროს.

ახალი პროდუქტის პრეზენტაცია თიბისიმ ილიას ბაღში გამართა, სადაც ბანკის წარმომადგენლებმა დამსწრე საზოგადოებას ბარათის ყველა უპირატესობა და შესაძლებლობა გააცნეს.

“ეს არის არა მხოლოდ ბარათი, არამედ განსაკუთრებული მომსახურების მიწოდების პლათფორმა ბიზნესებისთვის” – უთხრა “ფორბს ჯორჯიას” თიბისის გენერალური დირექტორის მოადგილემ ნიკა ქურდიანმა და იმ პროვილეგიებზე გვესუაბრა, რასაც ბარათი მფლობელებს სთავაზობს. მათ შორის არის ადგილობრივ პარტნიორ ორგანიზაციებში Cash-Back-ით/ფასდაკლებით სარეგებლობა და ასევე VISA-ს საიტზე არსებული ფასდაკლებები, რომელიც სპეციალურად პლატინა ტიპის ბარათის მფლობელებისთვის არის განკუთვნილი.

გარდა ამისა, Visa Business Platinum-ბარათის მფლობელები წელიწადში 2-ჯერ უფასოდ ისარგებლებენ აეროპორტების ლაუნჯებით.

“ამ ბარათზე ბინზნესებს ძალიან ბევრ ობიექტზე ექნებათ ქეშბექების მომსახურება, ასევე ავტომატური სკარედიტო ლიმიტი რომელიც საჭიროა ყოველდღიური ხარჯებისთვის. ჩვენთვის ეს არის პლათფორმა, რომლის მეშვეობითაც ჩვენს ბიზნეს კლიენტებს მრავალფეროვან შეთავაზებებს გავუკეთებთ.” - განაცხადა ქურდიანმა.

ახალი პროდუქტის პრეზენტაციზე ბანკმა კიდევ რამდენიმე სიახლე გააჟღერა, რომელთა შორის ბიზნეს მობილური აპლიკაციის შექმნაა. ასევე მუშაობა მიმდინარეობს ბიზნეს გიდების კონცეფციაზეც. ყოველივე ამის მიზანი თიბისის ბიზნეს კლიენტებისთვის ერთი შეხების წერტილის გაჩენაა, საიდანაც დაინტერესებული პირები ყველაფრის გარკვევას მარტივად და გასაგებად შეძლებენ.

პროდუქტის პრეზენტაციას, ბანკის და ბიზნესის წარმომადგენლებთან ერთად, ვიზას რეგიონალური მენეჯერი კრისტინა დოროშიც ესწრებოდა, რომელმაც აქცენტი ბიზნესზე მორგებული პროდუქტის შექმნაზე გაამახვილა და აღნიშნა, რომ ბანკი ამ მხრივ გამორჩეულად ინოვაციურია.

“ძალიან მოხარულები ვართ, რომ თიბისი ბანკთან ვთანამშრომლობთ. მათ პორტფოლიოში ძალიან ბევრი ისეთი პროდუქტია, რომელიც ინოვაციებთან არის დაკავშირებული და სწორედ ამის დასტურია დღევანდელი პრეზენტაციაც. თიბისი პირველი მიხვდა იმას, თუ რა სჭირდება ბიზნესს და ზუსტად მათზე მორგებული ბარათი შექმნა, თანაც ეს ყველაფერი მაქსიმალურად უსაფრთხო და მოქნილია.” - აღნიშნა დოროშმა.

ბარათი რეზიდენტი და არარეზიდენტი იურიდიული პირებისათვის არის განკუთვნილი და ის მხოლოდ ორგანიზაციის თანამშრომლებზე გაიცემა.

VISA Business Platinum აღება დაინტერესებულ პირებს თიბისი ბანკის ფილიალებში, ასევე ვებგვერდის და ინტერნეტ ბანკის საშუალებით უკვე შეუძლიათ.

ჩვენ გირჩევთ

7 რამ, რაც უნდა იცოდეთ ავტო სესხის აღებამდე

2020 წლის მსოფლიოს საუკეთესო ავიაკომპანიები

7 რამ, რაც უნდა იცოდეთ ავტო სესხის აღებამდე

7 რამ, რაც უნდა იცოდეთ ავტო სესხის აღებამდე

წინა სტატია

შავი ზღვის ღვინის ისტორიის 8 000-წლიანი მარკეტინგი
04 დეკემბერი, 2019

შემდეგი სტატია

ნოემბერში უცხოელ ტურისტთა რაოდენობა 10.3 პროცენტით გაიზარდა
04 დეკემბერი, 2019
"ქვეყნები დროს კარგავენ" - WHO-ს საყვედური
ახალი ამბები ქართულად | მარ, 26, 2020
არა, თქვენ არ გჭირდებათ პირბადეები კორონავირუსისგან თავის დასაცავად - Forbes
ახალი ამბები ქართულად | მარ, 02, 2020
ებრაელი ნობელის პრემიის ლაურეატი: კორონავირუსის გავრცელების ტემპი მცირდება
ახალი ამბები ქართულად | მარ, 20, 2020
Forbes Georgia in EnglishForbes WomanForbes Banker