Forbes Georgia–ს ახალი მფლობელები და მთავარი რედაქტორი ჰყავს

12 ოქტომბერს, 12 საათზე, Tbilisi Marriot-ში Forbes Georgia-ს პარტნიორთა პრესკონფერენცია გაიმართება, სადაც გასაჯაროვდება გადაწყვეტილება Forbes Georgia-ს ახალი აქციონერებისა და მთავარი რედაქტორის ვინაობის შესახებ.

პრესკონფერენციას გამართავენ Forbes Georgia-ს გამომცემელი მაია მირიჯანაშვილი და ყაზახური Forbes-ის გამომცემელი, ბიზნესმენი არმანჟან ბაიტასოვი.

სს Media Partners-ის (Forbes Georgia-ს მფლობელი) აქციონერთა შემადგენლობა იცვლება და მისი 90%-ის მფლობელი ბიზნესმენი არმანჟან ბაიტასოვი (United Asia Business) გახდება. დარჩენილ 10%-ს შეისყიდის გიორგი ისაკაძე (GI Media Group), რომელიც Forbes Georgia-ს მთავარი რედაქტორის პოზიციასაც დაიკავებს. ამავდროულად გიორგი ისაკაძე ტელეკომპანია Maestro-ს ტელეპროექტების, „ბიზნესკონტაქტისა“ და „საქმიანი დილის“ ავტორი და მენეჯერია.

არმანჟან ბაიტასოვი, გარდა იმისა, რომ ყაზახეთის Forbes-ის გამომცემელია, ფლობს უმსხვილეს მედიააქტივებს – სატელევიზიო არხებს Muzzone-ს, NBT-სა და TAH-ს; ასევე ფლობს სატელეკომუნიკაციო ჰოლდინგ ICON-ს, რომელიც, თავის მხრივ, მრავალი პოპულარული გამოცემისა და ჟურნალ-გაზეთის მეპატრონეა.

Forbes Georgia მოხარულია დაადასტუროს, რომ ორთვიანი მოლაპარაკებები აქციონერთა ახალ შემადგენლობასა და მთავარ რედაქტორთან წარმატებით დასრულდა. ვიმედოვნებთ, რომ განახლებული შემადგენლობა მნიშვნელოვნად გააძლიერებს Forbes Georgia-ს არსებულ გუნდს და საფუძველს ჩაუყრის ბევრ ახალ პროექტს, რომელთა განხორციელებასაც Forbes-ი უახლოეს მომავალში გეგმავს.

წინა სტატია

სამი ჩანთა საქმიანი ქალისთვის
09 ოქტომბერი, 2015

შემდეგი სტატია

რატომ გაძვირდა ელექტროენერგია?
12 ოქტომბერი, 2015
ტამანის პორტი მზად არის 220 000 ტონიანი სატვირთო გემების მისაღებად
ახალი ამბები ქართულად | ივნ, 29, 2020
21 მილიარდერი და მათი პირველი მილიონი დოლარი
ახალი ამბები ქართულად | ივნ, 25, 2020
არა მხოლოდ ბანკი, არამედ პარტნიორი
ინტერვიუ | ივნ, 24, 2020
Forbes Georgia in EnglishForbes WomanForbes Banker